Liäbä Vatär, mir höräd nöd uuf, für dis Volk z'bätä
Wie dä Eppafras grungä häd, so kämpfäd au miir
Mir bittäd dich um dä Gäischt vo dä Wiishäit und Offäbarig
Mir bittäd dich, dass mir chönd verschtaah, was Jesus dänkt
Mach bitte d'Augä vo öisnä Herzä uuf und las öis gsee
Wiä herrlich und nööch du doch bisch
Schtärch bitte öisä innwändigä Mänsch
Mit all dem guätä und schtaarchä wo du bisch und wo du häsch
Verbind öis tüüf i diinärä Liäbi
Dass mir dini Wahrhäit chönd begriifä
In irärä ganzä Tüüfi, wiä wiit si doch um öis umä gaaht
Lass bitte dini Liäbi übärflüssä, meh und meh
In Erkänntnis und gsundär Untärschäidig
Räinigä öis, häiligä öis ganz
Gäischt und Seel und au dä Liib
Dass mir suubär sind - vor dir
Vatär, mach öis äis, wiä du äis bisch mit dim Sohn
Damit d'Wält diini Liäbi gseet
Erfüll öis mit derä Herrlichkäit, wo du ihm geh häsch
Lass öis erkännä, wiä fescht du öis doch liäbsch
Jesus, du Brüütigamm, füär öis i d'Arm vom Vatär
Lass öis tanzä i diinärä ewigä Liäbi
Lass öis gschpüürä dini Herrlichkäit i öis
Dini Liäbi sell dur öis duräflüssä
Das isch öisäs Gebätt
Und das isch öise Schrei
Öffnä ä Türä für dis Wort i öisnä Schtett
Lass Herzä sich uuftuä, diä wo Hungär und Durscht händ
Gib dini Frucht i jedäm guätä Werch
Und lass öis wachsä
I dä Erkänntnis vo dim Willä
Feschtigä öisi Herzä in Geduld und Langmuät
Damit mir nöd umkippäd
Wänns dänn au mal schwerär wird
Gib öis äs Herz, wo aahaltänd ringt
So wiä dä Eppafras für d'Gmäindä grungä häd
Chumm, Häiligä Gäischt, Eli-El, chumm und wohn in öis
Lass Jesus i öisärä Mitti Ruum iinää
Verwandlä öis vo innä her
Bis mir lüüchtäd i dinärä Herrlichkäit
Vatär, mach öis äis, wiä du äis bisch mit diim Sohn
Erfüll öis mit derä Liäbi, mit derä du ihn gliäbt gha häsch
Lass dini Herrlichkäit uf dinärä Bruut ruää
Bis eer chunnt und öis
I siis Liächt inänimmt
Mir höräd nöd uuf z'bättä
Bis mir vor diim Thron schtönd, äis in dir, äis mit dir
Alex · Quellenbeziehungen